Cuddle with Vacancy Live En,Ar لأن تعانق الخواء من حفلة

Cuddle with Vacancy Presented by Abu Hajar From Mazzaj Rap Band Live in Berlin during the show “The Syrian Halloween”

attached to the video you can find the English Subtitles by just activating the youtube subtitles button

لأن تعانق الياسمين من أبو حجر من فرقة مزاج من حفلة برلين “الهالويين السوري

الفيديو مرفق بالكلمات العربية و الترجمة إلى الإنكليزي

Advertisements

In Two Days بهاليومين

In Two Days بهاليومين

أبو حجر

هي خيي يا رايج في تقول إني قرفت

كان لازم ضلني ساكت بس أنا ما قدرت

الساكت عن الحق يبقى على قيد الحياة

بس اني إسكت أنا أبداً ما عرفت

ف لهيك بتشوفني حكيت حكيت و أنفجرت

بخمسين ليرة البندورة و ليحيا فينا الصمت

الجوع تحول لكافور و خود بقى ع كبت

الجوع طول عمرو كافر وانا هلق كفرت

يا زلمة مو معقول كلشي صار غالي نار

متل الحمام حمام عم بتطير هالأسعار

وباختصار شديد صارت التبولة حلم

انتظر شوي لسا ما خلص الفيلم

مع العلم انو اكلنا خازوق مرتب

بس الحمدلله اجتنا زودة عالمرتب

ما رح بتكفي شي رح بنضلنا نتعذب

الله يخليلنا نانسي تضل تدلع وتطبطب

“إسمع إسمع يارضا ..كل شي عم يغلى ويزيد

مبارح كنا عالحديدة و هلق صرنا عالحديد”

السيد درويش

غرقانين من الراس للرجلين

كتر علينا الدين كل العالم جوعانين

والشتا كلو دوا وإبر

لإنو كلمانو عم يغلى اللتر

وارتفاع الدولار أثر بكلشي و كلمانا عمتعلى الأسعار

hey wait..it’s too late ..to bad

ما بدي خلف ولاد ما يلاقوا لقمة عيش

ما بدي يكبر ابني عم يحلم ويسأل ليش

وقد وصلنا هذا الخبر العاجل

المواطن السوري يحطم كل الأرقام القياسية 

لا يوجد لايوجد مازوت و أجرة المواصلات أصبحت الضعف

وما يزال المواطن 

عايشين من قلة الموت بنحاول نحكي ما بيطلعلنا صوت

غليت الأسعار حتى عالمريخ

اليورو والدولار صاروا متل النار

والليرة كلمانا عم تنزل أكتر و أكتر

وبلش يطغى اللون الأخضر

الفقير عم يجمع أجرة بيتو ليرة ورا ليرة

و الغني بدو يزبط بنت مانو شايف غيرا

و الغلا شغلة اللي مالو شغلة

الكل راكض ورا العملة

الكل راكض ورا مصاري غيرو

وشو ما صار بهالبلد إي ل “تووت تووت”

ع بيروت عم يتهرب المازوت

كل مالا الحالة لورا والخازوق عم بيفوت

“إسمع إسمع يارضا ..كل شي عم يغلى ويزيد

مبارح كنا عالحديدة و هلق صرنا عالحديد”

أبو حجر

أنا ناطر ل شوف شو قصة هالمسرحية

شو التغييراللي عم بيصير بالتركيبة الاجتماعية

الفقير بيفقر اكتر والغني أغنى بيصير

نشكر الله يا زلمة رح بيزيد التعتير

انا ما فارقة معي الله يخليلي الصحة

انا ما فارقة معي الله يخليلي البطحة

انا ما بجوع إلا لما كون صحيان

له يا خيي دخيل ربك خليني انا سكران

ما طارت الأسعارطارت وما عادت تحط

والفار اللي بعبي انا بلش ينط

بلش يوسوسلي اني من جوعي رح موت

كل هيدا الحكي بلش من لما رفعوا المازوت

والخازوق شوي شوي فينا عم بيفوت

انا مش كافر بس الجوع كافر

انا مش كافر بس المرض كافر

انا ..لأ انا مش كافر

“إسمع إسمع يارضا ..كل شي عم يغلى ويزيد

مبارح كنا عالحديدة و هلق صرنا عالحديد”

هون طرطوس Here Is Tartous

صاحب الهونداية الحمرا صاحب الهوندلية الحمرا وقف مخالفة
اختك ع اخت هالنهار يا زلمة
حبيبي شامم ريحة البحر ما احلاها
بخر ولك يلعن اختك هي ريحة مجاري
يا الله…
الله.. لك الله ياخدك.. روحي انتي طالق
اهلين فيك يا حج
هون طرطوس

هون طرطوس يبا.. هيدي المدينة الغريبة
اهلا فيك يا حج..بترحب فيك الشبيبة
بترحب فيك يبا..بس يكون معك مصاري
اهلا فيك يا حج..بس اليوم عاجق حالي
صرلي عم استنى الخميس..ايام و ليالي
ت انزل على البحر.. شم ريحة مجاري
ت انزل على السوق.. سوق الخميس
هيدا السوق الله ما خلقه الا للتخبيص
بتنزل بتشوف شباب هنيك ملوك بالتفنيص
شي كأنو اميركاني..و شي متل العريس
بتنزل بتشوف بنات هيفا و بريتني سبيرز
عفوا مو بنات هودي علبة ميكياج
ماشية ع مهلا تقول عما تعمل روداج
و التنورة لفوق الركبة بكيلو متر
و لعشرين متر قداما واصلة ريحة العطر
عفوا بارفان مشان ما تقولوا فولجير
شعراتا غير ولك اي كلشي فيا غير
تقول صرلا من الاسبوع الماضي عند الكوافير
ولما تهز بخصرا بتعمل عجقة سير
خير… اللهم اجعلوا خير
“وقف خليني بوس شبابيك الحلوة بطرطوس
شقرا من فوق ل تحت و شكلا بيشبه العرنوس”
اي صدقني اشكال متل العرنوس
هودي قبضايات طرطوس ابطال طرطوس
الواحد فيون طولو مترين اي يخزي العين
و حتى بالمشاكل الواحد فيون باتنين
و اذا التقوا اتنين منهن علقت مشكلة
طف طخ اي شكلا معصلجة
تركن و لبكرة الصبح بيسبوا ع بعض
بيسبوا ما بيخلوا شي من السما للارض
سب ايا شي بس لا تقرب على العرض
و عرض كتافن لو بنشوفو شو بنرتاح
المشكلة عندن شي اساسي بيقتلوا عالمرتاح
بارا بارارا بابابارارا
ما رح كفي فيون كلماتي فيون خسارة
وين الشطارة انك تقدر تتلافن
افضل حل انك تنساهن صدقني تنساهن
حلمي شي مرة احلم بطرطوس بلاهن
“وقف خليني بوس شبابيك الحلوة بطرطوس
شقرا من فوق ل تحت و شكلا بيشبه العرنوس”
قد ما حكيت عن طرطوس يمكن تفكرني بكرها
لأ يا ابن العم انا عم بحكي بعشقا
بعشق كاس المتة فيا..بعشق اراضيا
بعشق اركيلة عالبحر..بين اهاليا
بعشق البحر والنهر بعشق التراب و الصخر
بحب الدبكة و احيانا موسيقى الزمر
بعشق الزلف..اه انا بعشق الدلعونا
و بي بي الغربة والله الوطن حنونا
بحب بناتا سهراتا جمعاتا قعداتا
شمساتا فياتا كمان قبضاياتا
ما بتخيل حالي ابدا عايش براتا
بحب هواها سماها يا الله ما احلاها
بلاها.. ما فيي عيش بلاها
و برغم كلشي فينا صار و عم بيصير
انا صنع في طرطوس و فخور كتير
“وقف خليني بوس شبابيك الحلوة بطرطوس
شقرا من فرق ل تحت.. و شكلا بيشبه العرنوس”
عرنوس يا ابو حجر عرنوس
لكن بربك هيدا منظر بني ادمة؟
روح سألا روح
كيف شايفة حالك بأخر هالليل؟